టాలీవుడ్ లో రిలీజ్ డేట్ల హ‌డావుడి క‌నిపిస్తోంది. దాదాపుగా పెద్ద సినిమాల‌న్నీ రిలీజ్ డేట్లు ప్ర‌క‌టించేశాయి. సింగిల్ డేట్ కాకుండా కొన్ని సినిమాలు డబుల్ డేట్స్ ను లాక్ చేస్తున్నాయి. భీమ్లా నాయక్ ఫిబ్రవరి 25తో పాటుగా ఏప్రిల్ 1 డేట్ ను బుక్ చేసుకున్న సంగతి తెలిసిందే. ఇప్పుడు.. ఇదే దారిలో రామారావు ఆన్ డ్యూటీ, గని సినిమాలు డబుల్ డేట్స్ ను లాక్ చేశాయి. రామారావు ఏకంగా ఆర్ ఆర్ ఆర్ కు పోటీగా వెళ్లారు. మార్చ్ 2 లేదా ఏప్రిల్ 15న రిలీజ్ కి రెడీ అని అధికారిక ప్రకటన చేశారు.

ఇక వ‌రుణ్ తేజ్ క‌థానాయ‌కుడిగా న‌టించిన చిత్రం ‘గ‌ని’. బాక్సింగ్ నేప‌థ్యంలో తీర్చిదిద్దిన క‌థ ఇది. కిర‌ణ్ కొర‌పాటి ద‌ర్శ‌కుడు. ఈ సినిమా ఎప్పుడో రెడీ అయిపోయింది. ఇప్పుడు రిలీజ్‌డేట్ కోసం ఎదురు చూస్తోంది. ఫిబ్ర‌వ‌రి 25 లేదంటే మార్చి 4న ఈ సినిమా రాబోతోతున్నట్టు ప్రకటించారు. ఫిబ్ర‌వ‌రి 25న‌… భీమ్లా నాయ‌క్‌ రావాల్సివుంది. అయితే… భీమ్లానాయ‌క్ కి ఆప్ష‌న‌గా మ‌రో డేట్ ఉంది. ఫిబ్ర‌వ‌రి 25న రానిప‌క్షంలో, ఏప్రిల్ 1న భీమ్లానాయ‌క్ వ‌స్తాడు. ఫిబ్ర‌వ‌రి 25న భీమ్లా వ‌చ్చేస్తే… గ‌ని మార్చి 4న వ‌స్తుంది.