ఆ మూడు నగరాల్లో సినీ స్టూడియోలు: 5 ఆటల టైమింగ్స్ ఫిక్స్

టాలీవుడ్ కు ఏపీ ప్రభుత్వం గుడ్ న్యూస్ చెప్పబోతుంది. రాష్ట్రంలోని మూడు నగరాల్లో స్టూడియోలు ఏర్పాటు చేయాలని ప్రభుత్వం భావిస్తోంది. ఇందు కోసం విశాఖ, రాజమహేంద్రవరం, తిరుపతి నగరాలను ఎంపిక చేసారు. ఒక ప్రాంతానికే పరిమితం చేయకుండా.. మూడు నగరాల్లోనూ స్టూడియోల ఏర్పాటుకు అవకాశం ఇవ్వాలనేది ప్రభుత్వ తాజా నిర్ణయం. ఇందు కోసం భూ సేకరణ పైన ఫోకస్ పెట్టింది. 

ఇక అయిదు షోలకు సంబంధించి ఉదయం 6 గంటల నుంచి రాత్రి 12 గంటల లోపు ఈ అయిదు షోల ప్రదర్శన ఉండేలా ప్రభుత్వం నిర్ణయించినట్లుగా తెలుస్తోంది. ఉదయం 8 గంటలకు తొలి షో ప్రదర్శించి.. రాత్రి 8 గంటలకు చివరి షో ప్రారంభించాలనేది ప్రాధమిక ఆలోచనగా తెలుస్తున్నది. మరో వారం రోజుల్లోనే ఏపీ ప్రభుత్వం నుంచి టాలీవుడ్ కు టికెట్ ధరల పెంపుతో పాటు మరికొన్ని తీపి కబర్లు అందనున్నారు.