రాధేశ్యామ్ బిగ్ సప్రైజ్.. హిందీ ప్రేక్షకులకు మాత్రమే !

ప్రభాస్-పూజా హెగ్డే జంటగా నటించిన ప్రేమకథా చిత్రం ‘రాధేశ్యామ్’. రాధాకృష్ణ కె కుమార్ దర్శకత్వం వహించారు. భారీ అంచనాల మధ్య ఈ పాన్ ఇండియా సినిమా మార్చి 11న ప్రేక్షకుల ముందుకు రానుంది. రిలీజ్ కు ముందు ఈ సినిమాలో స్పెషల్ అట్రాక్షన్ యాడ్ అయింది. బాలీవుడ్ మెగాస్టార్ బిగ్ బీ అమితాబ్ రాధేశ్యామ్ సినిమా కోసం వాయిస్ ఓవర్ ఇచ్చారు. అయితే అది కేవలం హిందీ వర్షన్ కు మాత్రమే అని తెలిసింది.

ఇక ప్రేమికుల రోజు కానుకగా ఫిబ్రవరి 14న రాధేశ్యామ్  న్యూ గ్లింప్స్ ను విడుదల చేసిన సంగతి తెలిసిందే. ప్రభాస్-పూజ హెగ్డే మధ్య లవ్ ప్రపోజల్ సన్నివేశాలు ఆకట్టుకున్నాయి. మళ్లీ లైఫ్ లో వాడి మొహం చూడనని పూజ వాయిస్ తో మొదలయ్యే ఈ గ్లింప్స్.. కాస్త ఫన్నీగా.. ఇంకాస్త రొమాంటిక్ గా సాగింది. కుక్ చేస్తావ్.. ఇంత బాగా మాట్లాడతావ్.. ఇంత మంచి అబ్బాయికి ఇంకా పెళ్లెందుకు కాలేదు ? అని పూజా అడిగితే.. ప్రభాస్ ఇబ్బంది పడటం టీజర్ లో చూడొచ్చు.