రాధేశ్యామ్ కొత్త ట్రైలర్ ఎప్పుడంటే ?

ప్రభాస్ – పూజా హెగ్డే జంటగా నటించిన చిత్రం ‘రాధేశ్యామ్’. మార్చి 11న ప్రేక్షకుల ముందుకు రానుంది. ఈ నేపథ్యంలో మరోసారి ప్రమోషన్స్ పై ఫోకస్ పెట్టింది చిత్రబృందం. వచ్చే వారం సరికొత్త ట్రైలర్ ను రిలీజ్ చేయబోతున్నారు. ఇక మార్చి 1 నుంచి పాన్ ఇండియా స్థాయిలో ప్రమోషన్స్ మొదలు పెట్టనున్నారు. ముఖ్యంగా బాలీవుడ్ లో ప్రచారం జోరందుకోనుంది. రాధేశ్యామ్ టీమ్ విదేశాలకు వెళ్ళనుంది.

ఇదొక అందమైన ప్రేమకథ. అది కూడా యూరోప్ బ్యాక్ డ్రాప్ లో నడిచే వింటేజ్ లవ్ స్టోరీ. శుక్రవారం విడుదల చేసిన ‘ఈ రాతలే’ అనే లిరిక్స్ తో సాగే వీడియో సాంగ్ అదిరిపోయింది. ప్రభాస్, పూజాహెగ్డే ఒకరికొకరు పరిచయం కాకముందే వచ్చే సన్నివేశాలతో తీసిన ఈ మాంటేజ్ సాంగ్.. ఎంతో రిచ్ గా ఉంది. విజువల్స్ చూడగానే ఆకట్టుకుంటున్నాయి.

ఈ సినిమాలో చేయి చూసి జాతకాలు చెప్పే విక్రమాదిత్య పాత్రలో ప్రభాస్ కనిపించబోతున్నాడు. ఇక ప్రేరణ అనే డాక్టర్ పాత్రలో పూజా హెగ్డే కనిపించనుంది. వీళ్లిద్దరూ ఎలా కలుసుకున్నారు. వాళ్ల ప్రేమ, ప్రకృతిని ఎదిరింది ఎలా నిలిచిందనే డిఫరెంట్ కాన్సెప్ట్ తో ఈ సినిమాను తెరకెక్కించారు. ఈ చిత్రానికి రాధాకృష్ణ కుమార్ దర్శకత్వం వహించారు. యూవీ క్రియేషన్స్, గోపికృష్ణ మూవీస్ సంయుక్తంగా నిర్మించాయి.