సునీల్-పవన్.. ఫన్నీ కామెంట్ !

బాక్సాఫీస్‌ వద్ద కాసుల వర్షం కురిపిస్తూ బ్లాక్‌బస్టర్‌ విజయాన్ని నమోదు చేసుకుంది. ఈ సినిమా సక్సెస్‌ని పురస్కరించుకుని పవన్‌, త్రివిక్రమ్‌ శ్రీనివాస్‌ శనివారం రాత్రి బిగ్గెస్ట్‌ వీకెండ్‌ పార్టీ ఏర్పాటు చేశారు. ఈ పార్టీకి సంబంధించిన పలు ఫొటోలు ఇప్పటికే నెట్టింట్లో వైరల్‌గా మారాయి. ఇక ఈ పార్టీలో దర్శకుడు సాగర్‌ కె.చంద్ర డాన్స్ చేశారు. ‘లాలా భీమ్లా’ పాటకు కొరియోగ్రాఫర్‌ గణేశ్‌ మాస్టర్‌తో కలిసి స్టెప్పులేశారు. ముఖ్యంగా హైపర్‌ ఆది.. పవన్‌ని హగ్‌ చేసుకుని దిగిన ఫొటోలు ఇప్పుడు అంతటా వైరల్‌ అయ్యాయి.

భీమ్లానాయక్‌’ చిత్రంలో నటుడు సునీల్‌ ఓ పాత్రలో కనిపించిన విషయం తెలిసిందే. కానిస్టేబుల్‌గా ఆయన చేసిన రోల్‌, ‘భీమ్లానాయక్‌’ టైటిల్‌ సాంగ్‌కి పవన్‌తో కలిసి ఆయన వేసిన స్టెప్పులు అందర్నీ ఆకట్టుకున్నాయి. కాగా, తాజాగా సాంగ్‌ షూట్‌ జరుగుతున్న సమయంలో పవన్‌కల్యాణ్‌తో కలిసి ఫొటో తీసుకున్న ఫోటోను షేర్ చేసిన సునీల్.. ”ఆయనతో స్క్రీన్‌ షేర్‌ చేసుకున్నానని మాత్రమే మీకు తెలుసు.. కానీ స్టూల్‌ కూడా షేర్‌ చేసుకున్నాననే విషయం మీకు తెలియదు. పవన్‌ని ఎప్పటికీ ఆదరిస్తూనే ఉంటా” అని సునీల్‌ రాసుకొచ్చారు.