అనసూయ కామెడీ ఫిల్మ్

క్షణం, రంగస్థలం, పుష్ప లాంటి సినిమాల్లో సీరియస్ పాత్రలు పోషించారు అనసూయ. ఎఫ్2, సోగ్గాడే చిన్నినాయనా లాంటి సినిమాల్లో కనిపించినప్పటికీ ఆమెను గ్లామర్ వరకు మాత్రమే వాడుకున్నారు. అయితే తొలిసారి వెండితెరపై అనసూయ కామెడీ చేయనున్నారు. దర్శకుడు జయశంకర్ అనసూయ ప్రధాన పాత్రలో ఓ కామెడీ ఎంటర్ టైనర్ ని తీసుకొస్తున్నారు. ఇందులో అనసూయ హెయిర్ హోస్ట్ గా కనిపించనుంది.

ఈ సినిమాకు సంబంధించి తాజాగా శ్రీనివాసరెడ్డి, చమ్మక్ చంద్ర లాంటి కొంతమంది ఆర్టిస్టులతో ఓ హిలేరియస్ కామెడీ ఎపిసోడ్ పిక్చరైజ్ చేశారు. అనూర్ రూబెన్స్ సంగీతం అందిస్తున్న ఈ సినిమాను చికాగోకు చెందిన వ్యాపారవేత్తలు ఆర్వీ రెడ్డి, శేషు మారంరెడ్డి నిర్మిస్తున్నారు. షూటింగ్ దాదాపు పూర్తయింది. అనసూయతో పాటు హెబ్బా పటేల్, సాయికుమార్, అతుల్ కులకర్ణి ఇతర ముఖ్యపాత్రల్లో కనిపించబోతున్నారు.