థమన్ ఓవర్ యాక్షన్

రాధేశ్యామ్ విష‌యంలో మిక్డ్స్ రివ్యూలు వ‌చ్చాయి. సినిమా స్లోగా ఉంద‌ని, ప్ర‌భాస్ ఇమేజ్‌కి ఈ క‌థ స‌రిపోలేద‌ని విశ్లేష‌కుల‌తో స‌హా, అభిమానులు కూడా తేల్చేశారు. అయితే ఈ విషయాన్ని రాధేశ్యామ్ సినిమాకు బ్యాక్ గ్రౌండ్ మ్యూజిక్ అందించిన థమన్ జీర్ణించుకోలేకపోతున్నాడు. శనివారం దర్శకుడు రాధాకృష్ణతో కలిసి మీడియా ముందుకు వచ్చాడు థమన్. ఈ సందర్భంగా ఈ సినిమా నెగిటీవ్ రివ్యూల గురించీ, స్లో ఫేజ్ గురించీ ప్ర‌శ్న‌లొచ్చాయి.

దానికి త‌మ‌న్ స్పందించాడు. “ఈ సినిమా గురించి ఒక‌రు నాతో మాట్లాడుతూ సినిమా చాలా స్లోగా ఉంది అన్నాడు. నువ్వెవ‌రు అని అడిగితే క్రిటిక్ అన్నాడు. ప్ర‌తోడూ క్రిటిక్కే. ఇక్క‌డ క్రిటిక్స్‌కి కాలేజ్ లాంటిది ఏమైనా ఉందా` అంటూ ఏదేదో మాట్లాడేశాడు. అంతే కాదు… ద‌ర్శ‌కుడు రాధా కృష్ణ‌ని ఒక్క ప్ర‌శ్న కూడా అడ‌గ‌నివ్వ‌లేదు. దాదాపు 40 నిమిషాల ప్రెస్ మీట్ లో 30 నిమిషాలు థమనే తినేశాడు. ఓవర్ యాక్షన్ చేసేశాడు.