ప్రభాస్-మారుతి.. ఆ ఇద్దరు !

ప్ర‌భాస్-మారుతి కాంబినేష‌న్‌లో ఓ సినిమా రాబోతుంది. ఈ సినిమాని మారుతి త‌న స్టైల్ లోనే ఓ ఫ‌న్ రైడ్ మూవీగా తెర‌కెక్కించ‌బోతున్నాడు. ఇప్ప‌టికే క‌థ సిద్ధ‌మైంది. త్వ‌ర‌లోనే ప్ర‌భాస్‌కి ఫైన‌ల్ నేరేష‌న్ ఇవ్వ‌బోతున్నాడు.  ఇప్పుడు ప్ర‌భాస్ సినిమా అంటే పాన్ ఇండియా స్థాయిలోనే తీయాలి. అందుకు త‌గిన‌ట్టు న‌టీన‌టుల్ని సాంకేతిక నిపుణులని ఎంచుకోవాలి. మారుతి కూడా అదే చేస్తున్నాడు.

ప్ర‌భాస్ కోసం పాన్ ఇండియా స్టార్స్‌ని దిగుమ‌తి చేస్తున్నాడు. ఈ సినిమా కోసం ఓ కీల‌కమైన పాత్ర కోసం బొమ‌న్ ఇరానీని ఎంచుకున్నార‌ని తెలుస్తోంది. మ‌రో పాత్ర కోసం త‌మిళ స్టార్ క‌మెడియ‌న్ యోగిబాబుని తీసుకొచ్చార‌ని తెలుస్తోంది. రావు ర‌మేష్‌, ప్ర‌వీణ్‌, స‌ప్త‌గిరి, వెన్నెల కిషోర్‌.. వీళ్లంతా క‌నిపించ‌బోతున్నారని తెలిసింది. ఇక ఈ సినిమాలో ప్రభాస్ కి జంటగా ముగ్గురు హీరోయిన్స్ కనిపించబోతున్నారని సమాచారం. ప్రస్తుతం  రాశీఖన్నా, శ్రీ లీలా, కృతిశెట్టి పేర్లు వినిపిస్తున్నాయి.