రాధేశ్యామ్ ఓటీటీ రిలీజ్.. డేట్ ఫిక్స్ !

రాధాకృష్ణ కుమార్‌ దర్శకత్వంలో ప్రభాస్‌, పూజాహెగ్డే జంటగా నటించిన చిత్రం ‘రాధేశ్యామ్‌’. ఇటీవల ప్రేక్షకుల ముందుకు వచ్చిన ఈ సినిమా మిక్సిడ్ టాక్ సొంతం చేసుకుంది. విడుదలై నెల కూడా కాకముందే ఈ సినిమా ఓటీటీలో సందడి చేయనుంది. ఏప్రిల్‌ 1వ తేదీ నుంచి ప్రముఖ ఓటీటీ అమెజాన్‌ ప్రైమ్‌ వీడియో వేదికగా స్ట్రీమింగ్‌ కానుంది. 

ఈ విషయాన్ని తెలియజేస్తూ అమెజాన్‌ సరికొత్త ట్రైలర్‌ను విడుదల చేసింది. ‘రాధేశ్యామ్‌’లో  ప్రభాస్‌ ప్రపంచ ప్రఖ్యాతిగాంచిన హస్తసాముద్రికా నిపుణుడి పాత్ర పోషించిన సంగతి తెలిసిందే. తెరపై ప్రభాస్‌-పూజా హెగ్డేల కెమెస్ట్రీ, పాటలు, విజువల్‌ ఎఫెక్ట్స్‌ సినిమాకు ప్రధాన బలంగా నిలిచాయి. ఇటీవల కాలంలో థియేటర్స్ లో పెద్దగా ఆడని సినిమాలు కూడా ఓటీటీలో హవా చూపిస్తున్నాయి. మాస్ మహారాజా రవితేజ ఖిలాడీ థియేటర్స్ లో ఫెయిల్.. ఓటీటీలో హిట్ అనిపించుకుంది. రాధేశ్యామ్ కూడా ఓటీటీలో సూపర్ హిట్ అయ్యే అవకాశాలే ఎక్కువ.