ఆస్కార్‌ వేడుకల్లో చెంపదెబ్బ.. విల్ స్మిత్ పై కఠిన చర్యలు
ఆస్కార్‌ ప్రదానోత్సవంలో ‘చెంపదెబ్బ’ ఘటన ప్రపంచాన్ని విస్మయానికి గురిచేసిన విషయం తెలిసిందే. ప్రముఖ కమెడియన్‌ క్రిస్‌ రాక్‌పై ఆస్కార్‌ విజేత విల్ స్మిత్ చేయిచేసుకున్న విషయంపై ఆస్కార్‌ అకాడెమీ తీవ్ర అసంతృప్తి, ఆగ్రహంతో ఉన్నట్లు తెలుస్తోంది. త్వరలోనే నటుడిపై చర్యలు తీసుకునే అవకాశం ఉంది.
“గతేడాది సినీ రంగంలో అద్భుతమైన పని చేసిన అనేక మంది వ్యక్తులను సత్కరించేందుకుగాను ఆదివారం 94వ ఆస్కార్‌ వేడుకలు నిర్వహించాం. కానీ ఇలాంటి వేదికపై ఓ నామినీ ఆమోదయోగ్యంకాని, హానికరమైన ప్రవర్తనతో మేము కలత చెందాము. విల్ స్మిత్ చర్యను ఖండిస్తున్నాం. ఆయన హద్దుమీరారు. నియమనిబంధనల్లో భాగంగా.. అకాడమీ గవర్నర్ల బోర్డు విల్ స్మిత్‌పై తగిన చర్యలు తీసుకోవాలి” అని అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ (AMPAS) అధ్యక్షుడు డేవిడ్‌ రూబిన్‌ అకాడెమీ సభ్యులకు లేఖ రాశారు.
