విజయ్-సమంత.. ఖుషి

రౌడీ హీరో విజయ్ దేవరకొండ ‘లైగర్’ ను పూర్తి చేశాడు. ‘జనగణమన’ లైన్ లో పెట్టేశాడు. ఇది కూడా పాన్ ఇండియా సినిమానే. అయితే అంతకంటే ముందు శివ నిర్వాణ దర్శకత్వంలో ఓ సినిమా చేయబోతున్నాడు విజయ్. మైత్రి మూవీ మేకర్స్ నిర్మిస్తున్న ఈ చిత్రంలో సమంతని హీరోయిన్ గా ఎంపిక చేశారు. ‘ఖుషి’ వర్కింగ్ టైటిల్ తో తెరకెక్కనుంది. ఈ సినిమాకి ముహూర్తం ఖరారైయింది. ఈ నెల 21న హైదరాబాద్ లో ఈ సినిమాకి పూజ కార్యక్రమాలు జరుగుతాయి. 

కాశ్మీర్ నేపథ్యంలో తెరకెక్కనున్న ప్రేమ కథ ఇది. ఈ నెల 23 నుంచి కాశ్మీర్ లోనే షూటింగ్ మొదలుపెడుతున్నారు. జస్ట్ 80 రోజుల్లో షూటింగ్ పూర్తయ్యేలా ప్లాన్ చేశారు. ‘మహానటి’ సినిమాలో విజయ్-సమంత కలసి నటించారు. ఇప్పుడు వీరిద్దరూ ప్రేమికులుగా కనిపించబోతున్నారు. అది కూడా పవర్ ఫుల్ టైటిల్ ఖుషి పేరుతో తెరకెక్కనుంది.