మహేష్ పాలిటిక్స్ షురూ ?

సూపర్ స్టార్ మహేష్ బాబుకు రాజకీయాలు అంటే అస్సలు పడవు. పలు సందర్భాల్లో ఈ విషయాన్ని చెప్పారాయన. అయితే ‘సర్కారు వారి పాట’ సినిమాతో మహేష్ రాజకీయాలకు ఎట్రాక్ అయినట్టు కనబడుతోంది. సినిమాలో “నేను విన్నాను. నేను ఉన్నాను” అనే డైలాగ్ పెట్టారు. అంతేకాదు.. ఈ డైలాగ్ విషయంలో మహేష్ ఏమాత్రం అభ్యంతరం చెప్పలేదట. ఇక సర్కారు వారి పాట ప్రీ రిలీజ్ ఫంక్షన్ కు మహేష్ ఆరెంజ్ కలర్ చొక్కా వేసుకొని వచ్చారు. అది బీజేపీ ఫేవర్ అని సంకేతాలు ఇవ్వడమేనా ? అనే చర్చ మొదలైంది.

ఎన్నడూ లేనిది సర్కారు వారి పాట ప్రమోషన్స్ కార్యక్రమాల్లో రాజకీయాలపై స్పందించారు. ఆంధ్ర సిఎమ్ జ‌గన్ చాలా సింపుల్ గా వుంటారని, గతంలో ఫోన్ లో మాట్లాడిన పరిచయం వున్నా, నేరుగా కలిసినపుడు ఆ సింపుల్ సిటీ తెలిసిందని సూపర్ స్టార్ మహేష్ బాబు అన్నారు. సర్కారు వారి పాట మీడియా మీట్ లో సిఎమ్ జ‌గన్ ను కలిసి ఎక్స్ పీరియన్స్ పై ప్రశ్నిస్తే మహేష్ ఈ విధంగా సమాధానం ఇచ్చారు. తెలంగాణ మంత్రి కేటీఆర్ తో మహేష్ కు మంచి సాన్నిహిత్యమే ఉంది. కానీ ఎప్పుడు ఆయన గురించి ఇలా సినిమా ప్రమోషన్స్ లో చెప్పలేదు. ఇటీవల సీఎం జగన్ ని కలిసిన తర్వాత మహేష్ పొలిటికల్ సృహ అయితే వచ్చినట్టు స్పష్టంగా కనబడుతోంది.