గౌతమ్ టెన్త్ పాసయ్యాడోచ్

సూపర్ స్టార్ మహేష్ బాబు ఏమాత్రం సమయం దొరికినా ఫ్యామిలీతో కలిసి ఫారిన్ ట్రిప్ కు వెళ్తుంటారు. సర్కారు వారి పాట రిలీజైన వెంటనే సూపర్ స్టార్ మహేష్ అండ్ ఫ్యామిలీ విహార యాత్రకు వెళ్లింది. ప్రస్తుతం యూరోప్ లో పర్యటిస్తున్నారు. అయితే యూరప్ టూర్ లో ఉండగానే మహేష్ కొడుకు గౌతమ్ పదో తరగతి పరీక్షల ఫలితాలు వచ్చాయి. అన్ని సబ్జెక్టుల్లో మంచి మార్కులు సాధించాడు. దీంతో కొడుకు సాధించిన ఘనతను మహేష్ కుటుంబం గ్రాండ్ గా సెలబ్రేట్ చేసుకుంది. జర్మనీలోని ఓ పెద్ద హోటల్ లో పార్టీ చేసుకుంది. కొడుకు పాస్ అయిన సందర్భంగా మహేష్, నమ్రత తమ అనందాన్ని సోషల్ మీడియా వేదికగా పంచుకున్నారు. ఈ సందర్భంగా జర్మనీలో దిగిన ఓ సెల్పీని కూడా వదిలారు.

ఇక గౌతమ్ ఇప్పటికే తెరంగేట్రం చేసేశారు. ‘వన్-నేనొక్కడినే’ సినిమాతో టాలీవుడ్ కు పరిచయమయ్యాడు. తండ్రి మహేష్ బాబు టైపులోనే బాలనటుడిగా కెరీర్ కొనసాగిస్తాడని అంతా అనుకున్నారు. కానీ గౌతమ్ కు ఆ అవకాశం ఇవ్వలేదు మహేష్. అతడ్ని పూర్తిగా చదువుపైనే ధ్యాస పెట్టేలా చేశాడు. గౌతమ్ లో మరో టాలెంట్ కూడా ఉంది. అతడు మంచి ఈతగాడు. ప్రొఫెషనల్ ఈతగాడిగా రాణించాలని ఆశపడుతున్నాడు. ఆ దిశగా ప్రయత్నాలు కూడా చేస్తున్నారు.