పంపకాలు భలే.. వారానికో సినిమా !

చాలా చక్కగా ప్లాన్ చేసుకున్నారు. వారానికో సినిమా. పోటీలో మరో తెలుగు సినిమా లేకుండా చూసుకున్నారు. జూన్ మొదటి వారంలో మేజర్ సినిమా వస్తోంది. మరో తెలుగు సినిమాతో దీనికి పోటీ లేదు. కమల్ విక్రమ్ సినిమా అదే రోజు వస్తున్నప్పటికీ తెలుగు వరకు పోటీ లేదనే చెప్పాలి.

ఇక రెండో వారంలో ‘అంటే సుందరానికి’ సినిమా వస్తోంది. ఇక్కడ కూడా నాని సినిమాకు పోటీ ఏం లేదు. మూడో వారంలో విరాటపర్వం వస్తోంది. రామారావు ఆన్ డ్యూటీ పోస్ట్ పోన్ అవ్వడంతో రానా సినిమాకు కూడా సోలో రిలీజ్ దక్కినట్టయింది. జూన్ నాలుగో వారానికైతే ప్రస్తుతానికి అన్నీ చిన్న సినిమాలే షెడ్యూల్ అయి ఉన్నాయి. ఈ నెలలో రాబోతున్న ప్రతి సినిమాకు దాదాపు సోలో రిలీజ్ దక్కినట్టే. అటు జులైలో కూడా పరిస్థితి ఇలానే ఉంది. థాంక్యూ, వారియర్, పక్కా కమర్షియల్, కార్తికేయ 2 లాంటి సినిమాలు చెరొక వారం పంచుకున్నాయి.