అంటే.. పవన్ వస్తున్నాడోచ్ !

నేచురల్ స్టార్ నాని తాజా చిత్రం ‘అంటే.. సుంద‌రానికీ..’ ఈనెల 10న విడుద‌ల అవుతోంది. ఈ నేపథంలో ఈ నెల 9న హైద‌రాబాద్ లోని శిల్ప క‌ళావేదిక‌లో.. ప్రీ రిలీజ్ ఫంక్ష‌న్ ఏర్పాటు చేశారు. ఈ ప్ర‌మోష‌న్ ఈవెంట్ పవర్ స్టార్ ప‌వ‌న్ క‌ల్యాణ్ కు ముఖ్య అతిథిగా హాజరుకానున్నారు. 9న జ‌ర‌గ‌బోయే ప్రీ రిలీజ్ ఈవెంట్ లో ప‌వ‌న్ పాల్గొంటార‌ని చిత్ర‌బృందం ప్ర‌క‌టించింది.

వాస్తవానికి పవన్ ఇప్పుడు పొలిటిక‌ల్ గా బిజీ అయిపోయారు. సినిమా వేడుల‌కు హాజరవ్వడం చాలా తక్కువ. అయితే  మైత్రీ మూవీస్ సంస్థ‌లో ప‌వ‌న్ ఓ సినిమా చేస్తున్నారు. హ‌రీష్ శంక‌ర్ ద‌ర్శ‌కుడు. భవధీయుడు భగత్ సింగ్ టైటిల్ తో తెరకెక్కనుంది. పూజా హెగ్డే హీరోయిన్. ప్రస్తుతం పవన్ హరిహర వీరమల్లు సినిమాతో బిజీగా ఉన్నారు. అది పూర్తవ్వగానే హరీష్ సినిమా మొదలు కానుంది. ఆ ఆబ్లిగేష‌న్ తోనే ప‌వ‌న్ సుందరం ప్రీ రిలీజ్ ఈవెంట్ కి హాజరుకాబోతున్నట్టు తెలుస్తుంది.