NBK107 ఫస్ట్ హంట్.. రక్తపాతమే !
నందమూరి బాలకృష్ణ – గోపీచంద్ మలినేని కాంబినేషన్ లో ఓ సినిమా రూపుదిద్దుకుంటున్న విషయం తెలిసిందే. శృతి హాసన్ హీరోయిన్. మైత్రీ మూవీస్ నిర్మిస్తోంది. రేపు బాలయ్య బర్త్ డే కానుకగా ఈ రోజే #NBK107 ఫస్ట్ హంట్ పేరుతో టీజర్ విడుదల చేయబోతున్నారు. సాయంత్రం 6:11 నిమిషాలకు టీజర్ రిలీజ్ కానుంది. ఈ నేపథ్యంలో ఓ ప్రీ లుక్ పోస్టర్ ఒకటి షేర్ చేసింది చిత్ర యూనిట్. పోస్టర్ లో పులిచర్ల 4 కి. మీ మైలురాయి పై రక్తం మరకలు కనిపిస్తున్నాయి. ఫస్ట్ లుక్ పోస్టర్ బాలయ్య చేతిలో కనిపించిన ఆయుధం కూడా ఉంది.
కంప్లీట్ యాక్షన్ ఎంటర్ టైనర్ గా #NBK107 తెరకెక్కుతోంది. ఈ చిత్రానికి సాయి మాధవ్ బుర్రా సంభాషణలు అందిస్తున్నారు. ఈ సారి బాలయ్య యాక్షన్ తో పాటు డైలాగ్స్ అదిరిపోనున్నాయని చెబుతున్నారు. సాయంత్రం రాబోతున్న టైటిల్ టీజర్ లో ఆ పవర్ ను చూపించబోతున్నారు. క్రాక్ తర్వాత గోపీచంద్, అఖండ విజయం తర్వాత బాలయ్య చేస్తున్న సినిమా కావడంతో ప్రేక్షకుల్లో భారీ అంచనాలు ఉన్నాయి.
