ట్రైలర్ టాక్ : హ్యాపీ బర్త్‌డే – ఫన్ గన్
అందాల రాక్షసి లావణ్య త్రిపాఠి ప్రధాన పాత్రలో తెరకెక్కిన పాన్‌ ఇండియా చిత్రం ‘హ్యాపీ బర్త్‌డే’ రితేశ్‌ రానా దర్శకత్వం వహించారు. ఈ సినిమా జులై 8న ప్రేక్షకుల ముందుకురానుంది. ఈ నేపథ్యంలో తాజాగా ట్రైలర్ విడుదలైంది. ట్రైలర్‌లో కనిపించిన ప్రతి పాత్ర చేతిలోనూ గన్ కనిపించింది. అసలు వీరందరికీ తుపాకులు ఎక్కడి నుంచి వచ్చాయి? వీటికీ బర్త్‌డే పార్టీకి సంబంధమేంటి? తెలియాలంటే సినిమా చూడాల్సిందే.
‘నా ఏడు వారాల నగలతో చేయించా. నేనూ నా రవ్వల నెక్లెస్‌తో చేయించా’, ‘రివాల్వర్‌లో ఉండే రాజసం పిస్తోల్లో లేదండి’ అని గన్‌ల గురించి మాట్లాడుకునే సంభాషణలతో ప్రారంభమైన ట్రైలర్ ఆద్యంతం ఆసక్తిగా సాగింది. ‘వాడు ప్రొఫెషనల్‌ కిల్లర్‌ అయితే నేను పెయిన్‌ కిల్లర్‌’ అని సత్య చెప్పడం నవ్వులు పూయిస్తున్నాయి. క్లాప్‌ ఎంటర్‌టైన్‌మెంట్‌, మైత్రీ మూవీ మేకర్స్‌ సంస్థలు సంయుక్తంగా నిర్మించిన ఈ సినిమాలో నరేశ్‌ అగస్త్య కీలక పాత్ర పోషించారు.
