కియారా-సిద్ధార్థ్.. మరో రౌండ్

బాలీవుడ్ ప్రేమ జంట కియారా అద్వానీ, సిద్ధార్థ్ మల్హోత్రా మరో రౌండ్ కి రెడీ అయినట్టు సమాచారం. వీరిద్దరు కలిసి నటించిన #Shershaah గత ఏడాది ప్రేక్షకుల ముందుకొచ్చి.. బ్లాక్ బస్టర్ హిట్ అయింది. అయితే కియారా-సిద్ధార్థ్ తెరపై మళ్లీ మళ్లీ రొమాన్స్ చేయాలని ఫ్యాన్స్ డిమాండ్ చేస్తున్నారు. వారి కోరిక తీర్చేందుకు ఈ జంట రెడీ అయినట్టు లేటెస్ట్ న్యూస్.  ఓ రొమాంటిక్ సినిమాలో నటించేందుకు ఈ జంట రెడీ అవుతుందని తెలుస్తుంది. ఆ సినిమాకు సంబంధించిన పూర్తి వివరాలు త్వరలోనే తెలియనున్నాయి.

చాన్నాళ్లుగా సిద్దార్థ్-కియారా డేటింగ్ లో ఉన్నారు. సరదాగా గడుపుతూ చాలా సార్లు కెమెరా కంట పడింది ఈ జంట. న్యూ ఇయర్ సెలబ్రేషన్స్ కోసం మాల్దీవుల్లో వాలిపోయి.. రహస్య ప్రాంతంలో రొమాన్స్ లో మునిగిపోయింది ఈ జంట. ఆ తర్వాత కూడా ఒకట్రెండు వేకషన్స్ కి వెళ్లొచ్చారు. మరోవైపు ఈ జంట బ్రేకప్ చెప్పుకోనుంది అనే వార్తలు కూడా హల్ చల్ చేశాయి. అయితే వాటిలో ఏమాత్రం నిజం లేదని.. బయట కనిపించినప్పుడల్లా క్లోజ్ గా కనిపిస్తున్నారు.

ఇక ఈ ఏడాది కియారా ఫుల్ స్వింగ్ లో ఉంది.  Bhool Bhulaiyaa 2 తో బ్లాక్ బస్టర్ హిట్ అందుకుంది. ఈ సినిమా రిలీజై నెల తిరక్కముందే JugJugg Jeeyo సినిమాతో మరో  హిట్ పడింది. ప్రస్తుతం కియారా యోధ, Mission Majnu, గోవింద్ మేరా నామ్ సినిమాల్లో నటిస్తోంది.