లైగర్ లో.. పోకిరి, ఇడియట్.. అర్జున్ రెడ్డి సీన్స్ !
లైగర్ తో ఇండియా షేక్ కావాలె అని ఎప్పుడో ప్రకటించారు రౌడీ హీరో విజయ్ దేవరకొండ. దానికి తగ్గట్టుగానే ఫస్ట్ లుక్ పోస్టర్స్, తాజాగా రిలీజైన ట్రైలర్ ఉంది. యాక్షన్ ఎంటర్ టైనర్ అంటే ఎట్లా ఉండాలో పూరి-రౌడీ బాలీవుడ్ కి చూపించబోతున్నట్టు కనిపిస్తుంది. అయితే లైగర్ ట్రైలర్ ను బాగా పరిశీలిస్తే.. పూరి బ్లాక్ బస్టర్ హిట్ సినిమాల ఫ్లేవర్ కొట్టొచ్చినట్టు కనిపిస్తుంది. అది సహజమే అయినా.. ఆ సీన్లు ఏంటో ఓ లుక్కేద్దాం పదండీ… !!
మహేష్-పూరి కాంబోలో వచ్చిన ‘పోకిరి’లో మెట్రో ట్రైన్ లో సీన్ ను ఎవరు మర్చిపోలేరు. యాక్షన్ సీన్ లో మహేష్ ఉగ్రరూపం చూసి.. రౌడీలే ట్రైన్ నుంచి కిందికి దూకేస్తారు. లైగర్ ట్రైలర్ లోనూ ఇలాంటి సీన్ ఒకటి కనిపించింది. పూర్తి యాక్షన్ చూపించకపోయినా.. ఆ మూడ్ కనిపించింది. మెట్రో ట్రైన్ లో విజయ్ యాక్షన్ మూడ్ లో నడుకుంటూ వస్తున్న సీన్ చూడొచ్చు.
ఇక మరో యాక్షన్ సీన్ లో రౌడీకి ముసుగేసి.. పంచ్ లు ఇవ్వడం చూడొచ్చు. ఇది ఇడియట్ సినిమాని గుర్తు చేసింది. ఇక రమ్య కృష్ణ క్యారెక్టర్ పూర్తిగా అమ్మా నాన్న ఓ తమిళ అమ్మాయి సినిమాలో జయసుధను గుర్తు చేస్తోంది. అంతేకాదు.. ట్రైలర్ ప్రారంభంలో వచ్చే సీన్ లో విజయ్ ఇచ్చే పంచ్ ఇడియట్ సినిమా తరహా ఉంది.
ఓ సీన్ లో అనన్య పాండేను దగ్గరకు లాక్కొని రొమాన్స్ చేసే సీన్ అర్జున్ రెడ్డిని తలపించింది. మొత్తానికి.. పూరి సినిమాలని బాగా ఫాళో అయ్యే వాళ్లకు లైగర్ ట్రైలర్ పోకిరి, ఇడియట్, అమ్మా-నాన్న ఓ తమిళ అమ్మాయి సినిమాలను గుర్తు చేస్తోంది.
