డీజే టిల్లు 2 దర్శకుడు.. ఇతడే !

చిన్న సినిమాగా వచ్చి పెద్ద విజయాన్ని అందుకున్న సినిమా డీజే టిల్లు. ఈ ఏడాది ప్రేక్షకులను బాగా ఆకట్టుకున్న సినిమాల్లో ఇదీ ఒకటి. యంగ్ అండ్ టాలెంటెడ్ హీరో సిద్దు జొన్నలగడ్డ హీరోగా నేహా శెట్టి హీరోయిన్ గా దర్శకుడు విమల్ కృష్ణ తెరకెక్కించిన ఈ చిత్రం సాలిడ్ హిట్ గా నిలిచింది. వారి కెరీర్ లోనే బిగ్గెస్ట్ బ్రేక్ ఇచ్చింది. నిర్మాత నాగ వంశీకి భారీ లాభాలు తెచ్చిపెట్టింది.

ఇటీవల ఈ సినిమా సీక్వెల్ ను అనౌన్స్ చేశాడు వంశీ. పూజా కార్యక్రమాలకు సంబంధించిన ఫోటోను షేర్ చేసిన ఆయన అందరూ ఆసక్తిగా ఎదురు చూస్తున్న ఫ్రాంచైజీ.. రెండో రౌండ్ కు రెడీ అవుతుంది. ఆగస్టు నుంచి రెగ్యులర్ షూటింగ్ షురూ కానుంది అని తెలిపారు. అయితే దర్శకుడు ఎవరు ? అన్నది మాత్రం చెప్పలేదు. డీజే టిల్లుని డైరెక్ట్ చేసిన విమ‌ల్ కృష్ణ ఈ ప్రాజెక్టు నుంచి త‌ప్పుకొన్న సంగ‌తి తెలిసిందే. 

అప్ప‌టి నుంచీ.. ఈ క‌థ‌ని డీల్ చేయ‌గ‌లిగే ద‌ర్శ‌కుడి కోసం చిత్ర‌బృందం అన్వేషిస్తోంది. ఇప్పుడు ఆ ద‌ర్శ‌కుడు దొరికేశాడు. త‌నే… మ‌ల్లిక్ రామ్. అద్భుతం అనే సినిమాతో ద‌ర్శ‌కుడిగా ప‌రిచ‌యం అయ్యాడు మ‌ల్లిక్‌. తేజా స‌జ్జా క‌థానాయ‌కుడిగా న‌టించిన ఈ చిత్రం… ఓటీటీలో విడుద‌లై, మంచి ఆద‌ర‌ణ పొందింది. ఇప్పుడు డీజే టిల్లు 2 ద‌ర్శ‌క‌త్వ బాధ్య‌త‌లు ఈ మ‌ల్లిక్‌కే అప్ప‌గించారు. ఈ సినిమాకి సంబంధించిన స్క్రిప్టు వ‌ర్క్ జ‌రుగుతోంది. ఈ డిస్క‌ర్ష‌న్స్‌లో మ‌ల్లిక్ కూడా పాలు పంచుకొంటున్నాడు. సిద్దు జొన్న‌లగడ్డ‌నే ఈ చిత్రానికి క‌థ‌, మాట‌లు అందిస్తున్నాడు.