ప్రభాస్ బ్యానర్ లో సూర్య సినిమా.. ఫిక్స్ ?

కోలీవుడ్ స్టార్ హీరోలు డైరెక్ట్ తెలుగు సినిమాలు చేసేందుకు ఆసక్తి చూపిస్తారు. ఇప్పటికే విజయ్ తెలుగు సినిమా వారసుడు షురూ అయింది. ఈ చిత్రానికి టాలీవుడ్ దర్శకుడు వంశీ పైడిపల్లి దర్శకత్వం వహిస్తున్నారు. ధనుష్, శివ కార్తీకేయన్ తెలుగు సినిమాలు కూడా ఇప్పటికే షురూ అయ్యాయి. తాజాగా ఈ జాబితాలో నేషనల్ అవార్డు విన్నర్ సూర్య చేరారు.

డైరెక్ట్ తెలుగు సినిమా చేసేందుకు సూర్య ఎప్పటి నుంచి ప్రయత్నాలు చేస్తున్నారు. అది ఇప్పటికి వర్కవుట్ అయినట్టు తెలుస్తుంది. పాన్ ఇండియా స్టార్ ప్రభాస్ సొంత బ్యానర్ గా భావించే యూవీ క్రియేషన్స్ లో సూర్య సినిమా ఖరారైనట్టు సమాచారం. శనివారం బర్త్ డే జరుపుకున్న సూర్యకు యూవీ క్రియేషన్స్ స్పెషల్ గా విషెస్ చెప్పింది. ఈ చిత్రానికి సిరుత్తైశివ ద‌ర్శ‌క‌త్వం వ‌హించ‌నున్న‌ట్లు ప్ర‌చారం జ‌రుగుతోంది. పూర్తి వివరాలు త్వరలోనే తెలియనున్నాయి.

శుక్ర‌వారం కేంద్రం ప్ర‌క‌టించిన జాతీయ అవార్డుల్లో సూరారైపొట్రు సినిమాకుగాను సూర్య ఉత్త‌మ‌ న‌టుడిగా పురస్కారాన్ని సొంతం చేసుకున్నాడు. ఈ అవార్డు ద్వారా న‌టుడిగా త‌న ప్ర‌తిభాపాట‌వాలేమిటో మ‌రోసారి చాటిచెప్పారు. క‌మ‌ర్షియ‌ల్ పంథాకు భిన్న‌మైన క‌థాంశంతో తెర‌కెక్కిన ఈ సినిమాలో ఎయిర్ ద‌క్క‌న్ వ్య‌వ‌స్థాప‌కుడు జీ.ఆర్ గోపీనాథ్ పాత్ర‌లో అస‌మాన న‌ట‌న‌ను క‌న‌రిచాడు సూర్య. ఓటీటీలో రిలీజ్ అయిన ఈ చిత్రం విమ‌ర్శ‌కుల ప్ర‌శంస‌ల‌ను ద‌క్కించుకున్న‌ది. న‌టుడిగా ఒకే శైలికి ప‌రిమితం కాకుండా ప్ర‌తి సినిమాలో వైవిధ్య‌త‌కు ప్రాధాన్య‌మిస్తుంటారు.

Here’s wishing Versatile Actor @Suriya_offl A Very Happy Birthday🎂

Congratulations on winning the National Award for #SooraraiPottru 💐#HBDSuriya#HappyBirthdaySuriya pic.twitter.com/9BvHsQt9ud— UV Creations (@UV_Creations) July 23, 2022