బాలీవుడ్ లో చైతూ మరిన్ని సినిమాలు

ద‌క్షిణాది హీరోలు బాలీవుడ్‌లో…బాలీవుడ్ హీరోలు సౌత్ సినిమాల్లోనూ న‌టించ‌డానికి రెడీ అవుతున్నారు. తాజాగా ఆమిర్‌ఖాన్ హీరోగా న‌టిస్తున్న లాల్‌సింగ్‌చ‌డ్డా సినిమాతో టాలీవుడ్ యువ‌హీరో నాగ‌చైత‌న్య బాలీవుడ్‌లో అరంగేట్రం చేయ‌బోతున్నారు. అయితే ఈ సినిమా హిట్ అయితేనే బాలీవుడ్ లో మరిన్ని సినిమాలు చేస్తానని చైతూ అంటున్నారు.

ఈ సినిమాలో చైతూ.. ఆమిర్‌ఖాన్ స్నేహితుడిగా సైనికుడి పాత్ర‌లో క‌నిపించ‌బోతున్నారు. ఈ సినిమాలో దాదాపు న‌ల‌భై నిమిషాల పాటు నాగ‌చైత‌న్య క్యారెక్ట‌ర్ క‌నిపిస్తుంద‌ని స‌మాచారం. ఆగ‌స్ట్ 11న బాలీవుడ్‌తో పాటు తెలుగు, త‌మిళం, మ‌ల‌యాళం, క‌న్న‌డ భాష‌ల్లో లాల్ సింగ్ చడ్డా రిలీజ్‌కానుంది. ఈ సినిమా ప్రమోషన్స్ లో చైతూ మాట్లాడుతూ.. సెట్స్‌లో అమీర్ తో గ‌డిపిన ప్ర‌తిక్ష‌ణాన్ని ఎంజాయ్ చేశాన‌ని, న‌టుడిగా ఆయ‌న నుండి చాలా నేర్చుకున్నాన‌ని చెప్పుకొచ్చాడు. ఈ సినిమా రిజ‌ల్ట్‌ను అనుస‌రించే భ‌విష్య‌త్తులో బాలీవుడ్‌లో సినిమాలు చేయాలా వ‌ద్దా అన్న‌ది నిర్ణ‌యించుకుంటాన‌ని చెప్పాడు