రామారావు గెస్ట్.. నాని

మాస్ మహారాజా ర‌వితేజ ఫుల్ ఫామ్‌లో ఉన్నాడు. అత‌డి చేతిలో ఐదు సినిమాలు ఉన్నాయి. ర‌వితేజ హీరోగా న‌టిస్తున్న “రామారావు ఆన్‌డ్యూటీ” సినిమా ఈ నెల 29న రిలీజ్‌కానుంది. రెవెన్యూ వ్య‌వ‌స్థ‌లోని అవినీతిని చ‌ర్చిస్తూ యాక్ష‌న్ ఎంట‌ర్‌టైన‌ర్‌గా రూపొందుతున్న ఈ సినిమాకు శ‌ర‌త్ మండ‌వ ద‌ర్శ‌క‌త్వం వ‌హిస్తున్నారు.

రామారావు ఆన్ డ్యూటీ ప్రీరిలీజ్ ఈవెంట్ ఈ సాయంత్రమ్ హైద‌రాబాద్‌లో జ‌రుగ‌నుంది. ఈ ప్రీ రిలీజ్ వేడుక‌కు మెగాస్టార్ చిరంజీవి గెస్ట్‌గా హాజ‌రుకానున్న‌ట్లు ఇటీవల వార్తలు వినిపించాయి. అయితే మెగాస్టార్ రావడం లేదు. ఆయన స్థానంలో నేచురల్ స్టార్ నాని వస్తున్నారని చిత్రబృందం ప్రకటించింది. ఆమిర్‌ఖాన్ హీరోగా న‌టించిన లాల్ సింగ్ చ‌డ్డా తెలుగు ప్ర‌మోష‌న‌ల్ ఈవెంట్ ఆదివారం హైద‌రాబాద్‌లో జ‌రుగ‌నున్న‌ది. ఈ సినిమా తెలుగు వెర్ష‌న్‌కు చిరంజీవి ప్ర‌జెంట‌ర్‌గా వ్య‌వ‌హ‌రిస్తున్నారు. ఈ ప్ర‌మోష‌న‌ల్ ఈవెంట్‌లో ఆమిర్‌ఖాన్‌తో పాటు చిరంజీవి పాల్గొననున్నారు. అందుకే రవితేజ సినిమా ఫంక్షన్ కు చిరు రాలేకపోతున్నారు.