అలియా బ్యాటింగ్.. సూపర్ హిట్

జస్మీత్ కె. రీన్ దర్శకత్వంలో అలియా భట్, విజయ్ వర్మ, రోషన్ మాథ్యూ, షెఫాలీ షా ప్రధాన పాత్రలో నటిస్తున్న సినిమా డార్లింగ్స్, ఆగస్టు 5న నుంచి నెట్ ఫ్లిక్స్ లో స్ట్రీమింగ్ కానుంది. తాజాగా ఈ సినిమా ట్రైలర్ ను రిలీజ్ చేశారు మేకర్స్. ఈ కామెడీ డ్రామా ట్రైలర్ ఆకట్టుకుంటోంది. ముఖ్యంగా అలియా నటన సూపర్బ్. ఓ సీన్ లో విజయ్ వర్మను చెక్కతో కొడుతున్న సీన్ తో అలియా ఎక్స్ ప్రెషన్స్ అదుర్స్. ఈ పోస్టర్ పై సోషల్ మీడియాలో పెద్ద ఎత్తున ట్రోలింగ్ జరుగుతోంది. ఇప్పుడు కోడలు బ్యాటింగ్ అంటూ నెట్ ఫ్లిక్స్ ఈ పోస్టర్ షేర్ చేసింది.

‘నా పేరు హమ్‌జా షేక్‌. నేను బద్రునిసా (అలియా) భర్తని’ అని విజయ్‌ వర్మ చెప్పే సంభాషణతో ప్రారంభమైందీ డార్లింగ్స్ ట్రైలర్‌. భార్యను ఎంతగానో ప్రేమించే హమ్‌జా ఆమెకు దూరంగా వెళ్లిపోవడం, భర్త కనిపించడం లేదంటూ అలియా పోలీసులకు ఫిర్యాదు చేయడం తదితర సన్నివేశాలతో ఆద్యంతం ఆసక్తిగా సాగింది. ఈ ఇద్దరి మధ్యలోకి మూడో వ్యక్తి (రోషన్‌) ప్రవేశించడంతో వీరి కాపురంలో కలతలు వచ్చాయని కొన్ని సన్నివేశాల్ని బట్టి తెలుస్తోంది. మరి, రోషన్‌.. అలియాకు ఎలా పరిచయం అయ్యాడు? అలియా కాపురం ఏమైంది? తెలియాలంటే సినిమా చూడాల్సిందే.