బింబిసార ప్రీ రిలీజ్ ఈవెంట్ డేట్ ఫిక్స్ ! ఎన్టీఆర్ చీఫ్ గెస్ట్ ?
హిస్టారిక‌ల్ ఫాంట‌సీ క‌థాంశంతో హీరో నంద‌మూరి కళ్యాణ్రామ్ న‌టించిన చిత్రం బింబిసార. ఆగ‌స్ట్ 5న బింబిసార రిలీజ్ కానుంది. ఈ సినిమా ప్రీరిలీజ్ ఈవెంట్ డేట్‌ను చిత్ర యూనిట్ ఫైన‌లైజ్ చేసింది. జూలై 29న హైద‌రాబాద్‌లోని శిల్పాక‌ళావేదిక‌లో ప్రీరిలీజ్ వేడుకను జ‌రుప‌బోతున్న‌ట్లు వెల్ల‌డించింది.
ఈ ఈవెంట్ కు యంగ్ టైగర్ ఎన్టీఆర్ ముఖ్య అతిథిగా రాబోతున్న‌ట్లు స‌మాచారం. అత‌డితో పాటు ప‌లువురు టాలీవుడ్ ప్ర‌ముఖులు హాజ‌ర‌వుతార‌ని చెబుతున్నారు. ఈ సినిమాలో త్రిగ‌ర్త‌ల రాజు బింబిసారుడిగా, ,నేటిత‌రం ఆధునిక యువ‌కుడిగా డ్యూయ‌ల్ షేడ్స్ ఉన్న క్యారెక్ట‌ర్‌లో నంద‌మూరి కళ్యాణ్రామ్ క‌నిపించ‌బోతున్నారు. కళ్యాణ్రామ్ కెరీర్‌లో భారీ బ‌డ్జెట్‌తో తెరకెక్కిన చిత్రమిది. దాదాపు న‌ల‌భై కోట్ల‌కుపైగా వ్యయంతో ఈ సినిమాను రూపొందినట్లు చెబుతున్నారు.
ఈ చిత్రానికి చిరంతన్ భ‌ట్ పాట‌లు స‌మ‌కూర్చ‌గా…నేప‌థ్య సంగీతాన్ని కీర‌వాణి అందిస్తున్నారు. కె హ‌రికృష్ణ నిర్మాత‌గా వ్య‌వ‌హ‌రిస్తున్నారు. సంయుక్త మీన‌న్‌,,కేథ‌రిన్ హీరోయిన్లుగా న‌టిస్తున్నారు.
