‘అన్నం’ కోసం చిరు లేదా బాలయ్య ?
క్రియేటివ్ డైరెక్టర్ కృష్ణవంశీ తన మార్క్ ను చూపించి చాలా కాలం అయింది. చంద‌మామ త‌ర‌వాత మ‌రో విజ‌యాన్ని చూడ‌లేక‌పోయాడు. తన ఆశ‌ల‌న్నీ ఇప్పుడు రంగ‌మార్తండ‌పైనే. ఈ సినిమా హిట్ట‌యితే.. మ‌ళ్లీ కృష్ణ‌వంశీతో చేయ‌డానికి పెద్ద హీరోలు ధైర్యం చేస్తారు. ప్ర‌స్తుతం రంగ‌మార్తండ సినిమాని పూర్తి చేసి, విడుద‌ల చేసే ప‌నుల్లో బిజీ బిజీగా ఉన్నాడు కృష్ణవంశీ. మరోవైపు తన డ్రీమ్ ప్రాజెక్ట్ అన్నం క‌థ‌ని కూడా త‌యారు చేసేస్తున్నాడు.
ఫుడ్ మాఫియాపై కృష్ణవంశీ చేస్తున్న యుద్ధం అన్నం. ఈ కథ కోసం కృష్ణవంశీ బాగా రిసెర్చ్ చేశాడ‌ట. క‌చ్చితంగా.. తన కెరీర్‌లో ఖ‌డ్గం, రాఖీలాంటి మంచి సినిమా అవుతుంద‌ని బ‌లంగా న‌మ్ముతున్నాడు. అయితే ఈ సినిమా కోసం స్టార్ హీరో కావాలి అంటున్నాడు. ఇప్పటికే ఈ లైన్ ను మెగాస్టార్ చిరంజీవికి వినిపించారు. మొత్తం కథ పూర్తి చేయ్.. అప్పుడు వింటానని చిరు చెప్పారట. మరోవైపు బాలయ్యతోనూ కృష్ణవంశీ టైచ్ లో ఉన్నారు. ఆయనకి అన్నం కథ చెప్పి ఓకే చేయించుకోవాలన్నది వంశీ ప్లాన్. మొత్తానికి.. అన్నం కోసం ఇటు చిరు, అటు బాలయ్యను ట్రై చేస్తున్నాడు. మరీ.. ఎవరు ఓకే అవుతారో చూడాలి.
