రవితేజపై నాని ప్రేమ విన్నారా ?
మాస్ మహారాజ రవితేజ స్ఫూర్తిగా తీసుకొని తాను సినిమాల్లోకి వచ్చినట్లు హీరో నాని తెలిపాడు. ఆదివారం జరిగిన రామారావు ఆన్ డ్యూటీ ప్రీ రిలీజ్ ఈవెంట్ కు హీరో నాని ముఖ్య అతిథిగా హాజరయ్యాడు. ఈ సందర్భంగా రవితేజపై తనకున్న అభిమానాన్ని చాటుకున్నాడు నాని. ప్రతి జనరేషన్ కు ఆయన లాంటి వాళ్లు ఒకరు ఉంటారని అన్నాడు.
“మేము హీరోలు అయ్యాం. మీరెందుకు కాలేరు అంటూ ధైర్యమిచ్చేవారు ఉంటారు. అలాంటి ధైర్యం మా అందరికి రవితేజ ఇచ్చారు. చిరంజీవి కారావ్యాన్ లోకి రవితేజ ఎంట్రీ ఇచ్చే సీన్ చూశా. అలాగే రవితేజ కారావ్యాన్ లోకి నేను ఎంటర్ అయ్యే రోజు కోసం ఎదురుచూస్తున్నా”నని నాని చెప్పుకొచ్చారు.
