‘సీతా రామం’ కోసం ప్రభాస్ రాక ?

ఓకే బంగారం, మహానటి  సినిమాలతో తెలుగు ప్రేక్షకులకు చేరువైన మలయాళ స్టార్ దుల్కర్ సల్మాన్. తెలుగులో ఆయన చేస్తోన్న మరో సినిమా ‘సీతా రామం.’ 1965 యుద్ధం నేపథ్యంలో ఈ చిత్ర కథాంశం నడుస్తుంది. ఇందులో దుల్కర్ సరసన మృణాల్ ఠాకూర్ సీతా మహాలక్ష్మీ పాత్రలో నటిస్తోంది. రష్మిక మందన్నా కీలక పాత్రను పోషిస్తోంది. ఈ సినిమా ఆగస్టు 5న ప్రేక్షకుల ముందుకు రానుంది. హను రాఘవపూడి దర్శకత్వంలో వస్తున్న ఈ చిత్రంలో మృణాల్ ఠాకూర్ హీరోయిన్‌గా చేస్తోంది.

ఇటీవలే ఈ సినిమా ట్రైలర్ విడుదలై.. ప్రేక్షకుల్లో మంచి రెస్పాన్స్ తీసుకొచ్చింది. పాటలు కూడా వినసొంపుగా ఉండటంతో సినిమాపై అంచనాలు భారీగా పెరిగాయి. దీంతో ఈ సినిమా ప్రీ రిలీజ్ ఈవెంట్‌‌ను భారీ ఎత్తున నిర్వహించాలని చిత్రబృందం భావిస్తోంది. ఈ సినిమా ప్రీ రిలీజ్ ఈవెంట్‌కు ముఖ్య అతిథిగా పాన్ఇండియా స్టార్ ప్రభాస్‌ రానున్నట్లు తెలుస్తోంది. ఈ సినిమాను నిర్మిస్తున్న వైజయంతీ మూవీస్ సంస్థలోనే ప్రభాస్ తన తర్వాతి చిత్రమైన ప్రాజెక్ట్ కే చేస్తుండటంతో ఆయన కూడా ఓకే చెప్పినట్లు సమాచారం