షార్ప్ గా సీతారామం – 9 పాటలు
హ‌ను రాఘ‌వ‌పూడి దర్శకత్వంలో దుల్క‌ర్ స‌ల్మాన్‌, మృణాల్ ఠాగూర్ జంట‌గా న‌టించిన చిత్రం సీతారామం. ఆగ‌స్టు 5న విడుద‌ల అవుతోంది. ఇప్పుడు ఈ సినిమా రన్ టైమ్ కూడా లాక్ అయ్యింది. 2 గంట‌ల 37 నిమిషాలకు లాక్ చేశారు. నిజానికి ఫైన‌ల్ రన్ టైమ్ 2 గంట‌ల 47 నిమిషాలు వ‌చ్చింది. సినిమా చూసుకొన్న అశ్వనీదత్.. ప‌ది నిమిషాలు ట్రిమ్ చేశారట.
ఆడియోలో మొత్తం 9 పాట‌లున్నాయి. అయితే సినిమాలో మాత్రం ఆరు పాట‌లే వినిపిస్తాయి. అశ్వనీదత్ అల్లుడు నాగ్ అశ్విన్ కూడా ఫైన‌ల్ కాపీ చూశారు. ఆయ‌న కూడా కొన్ని స‌ల‌హాలు ఇచ్చిన మీద‌ట ఈసినిమాలో ప‌ది నిమిషాల నిడివిగ‌ల సీన్ల‌కు క‌త్తెర ప‌డింది. 2 గంట‌ల 37 నిమిషాలంటే రన్ టైమ్ ఎక్కువే. కానీ సినిమా బాగుంటే.. ప్రేక్షకులు భరిస్తారు. ఏమాత్రం తేడా కొట్టినా రిజల్ట్ రివర్స్ అవుతుంది.
