‘గార్గి’ ఓటీటీ రిలీజ్ ఎప్పుడంటే ?

ఈ ఏడాది రెండు సినిమాలతో సందడి చేసింది సాయి పల్లవి. విరాటపర్వం, గార్గి సినిమాలతో ఆకట్టుకుంది. ఈ రెండు కూడా దాదాపు లేడీ ఓరియెంటెడ్ చిత్రాలే. తన అద్భుతమైన నటనతో సాయి పల్లవి మరోసారి ప్రేక్షకులను ఫిదా చేసింది. ముఖ్యంగా ‘గార్గి’ విమర్శకుల ప్రశంసలతో పాటు.. కమర్షియల్ హిట్ అయింది. ఈ లీగల్ డ్రామా రామచంద్రన్ దర్శకత్వం డైరెక్షన్ లో తెరకెక్కింది. జులై 15న థియేటర్స్ లో రిలీజైంది. పాజిటివ్ టాక్ తెచ్చుకుంది. అదే సమయంలో కమర్షియల్ గా బాగానే రాణించింది.

ఇప్పుడీ.. ఈ సూపర్ హిట్ సినిమా ఓటీటీ రిలీజ్ డేట్ ఫిక్సయింది. ఈ నెల 12 నుంచి సోనీ లైవ్ లో గార్గి స్ట్రీమింగ్ కానుంది. లేడీ పవర్ స్టార్ గా పేరు తెచ్చుకుంది సాయి పల్లవి. యూత్ తో పాటు ఫ్యామిలీ ప్రేక్షకులు ఆమె నటనకు ఫిదా అవుతున్నారు. ఈ నేపథ్యంలో ఆమె సినిమా ఓటీటీలోకి వస్తుందంటే ఆసక్తిగా ఎదురు చూస్తున్నారు. అందుకే థియేటర్స్ లో ఆకట్టుకున్న గార్గి ఓటీటీలో అదరగొట్టడం ఖాయం అంటున్నారు.