‘మాలిక్‌’ తెలుగు ట్రైలర్‌ చూశారా ?
మలయాళ స్టార్ ఫహద్ ఫాజిల్ నటించిన చిత్రం పొలిటికల్‌ థ్రిల్లర్‌ ‘మాలిక్‌’. మహేశ్‌ నారాయణన్‌ దర్శకుడు. కరోనా కారణంగా గతేడాది ఓటీటీలో విడుదలైన ఈ చిత్రం విశేష ఆదరణ సొంతం చేసుకుంది. రెండు భిన్న పార్శ్వాల్లో ఫహద్ ఫాజిల్ నటన సినిమాకే హైలైట్‌. ఇప్పుడు ఈ సినిమా తెలుగు ప్రేక్షకుల ముందుకు రాబోతోంది. ‘ఆహా’ వేదికగా ఆగస్టు 12వ తేదీ నుంచి ‘మాలిక్‌’ స్ట్రీమింగ్‌ కానుంది. ఈ నేపథ్యంలో తాజాగా ట్రైలర్‌ను ‘ఆహా’ విడుదల చేసింది.
ఫాజిల్ నటించిన మలయాళ సినిమాలు తెలుగులో డబ్ అవుతున్నాయి. ఇక్కడి ప్రేక్షకులను ఆకట్టుకుంటున్నాయి. అయితే పుష్ప సినిమాతో ఫహద్ తెలుగు ప్రేక్షకులకి బాగా దగ్గరయ్యారు. ఆ తర్వాత ఆయన నటించిన విక్రమ్ సినిమా కూడా తెలుగు ప్రేక్షకులను అలరించింది. ఇక పుష్ప 2 లో ఫహాద్ తో పాటు కోలీవుడ్ స్టార్ విజయ్ సేతుపతి నటించనున్నారు.
