‘సీతారామం’ ఫస్ట్ డే కలెక్షన్స్
దుల్కర్ సల్మాన్, మృణాల్ ఠాకూర్, రష్మక మందన కీలక పాత్రల్లో హను రాఘవపూడి దర్శకత్వంలో తెరకెక్కిన చిత్రం ‘సీతారామం’. శుక్రవారం ప్రేక్షకుల ముందుకొచ్చిన ఈ సినిమా పాజిటివ్ టాక్ సొంతం చేసుకుంది. మధురమైన ప్రేమ కావ్యంలా ఉందని సినిమా చూసిన ప్రేక్షకులు చెబుతున్నారు. లెఫ్టినెంట్ రామ్‌గా దుల్కర్ సల్మాన్ యాక్టింగ్‌, క్యారెక్ట‌రైజేష‌న్‌తో పాటు ర‌ష్మిక మంద‌న్న, మృణాల్ ఠాకూర్ న‌ట‌న బాగుందంటూ ప్ర‌శంస‌లు ల‌భిస్తున్నాయి. పాజిటివ్ టాక్ నేపథ్యంలో తొలిరోజు బాక్సాఫీస్ దగ్గర మంచి కలెక్షన్స్ రాబట్టింది.
ఈ సినిమా తెలుగు రాష్ట్రాల్లో 2.25 కోట్ల గ్రాస్‌ను రాబట్టింది. మొదటి రోజు నైజాంలో ఈ సినిమాకు 54 ల‌క్ష‌ల కలెక్షన్స్ వ‌చ్చాయి. సీడెడ్ లో 16 ల‌క్ష‌లు, ఉత్త‌రాంధ్రాలో 23 ల‌క్ష‌లు, నెల్లూర్‌లో 5 ల‌క్ష‌లు, కృష్ణ‌లో 13 ల‌క్ష‌లు, గుంటూర్‌లో 16 ల‌క్ష‌లు, ఈస్ట్ గోదావ‌రిలో 15 ల‌క్ష‌లు, వెస్ట్ గోదావ‌రిలో ఎనిమిది ల‌క్ష‌ల వ‌సూళ్ల‌ను ఈ సినిమా రాబట్టింది. తెలుగు రాష్ట్రాల కంటే ఓవ‌ర్‌సీస్‌లో ఈ సినిమా అద్భుత‌మైన వ‌సూళ్ల‌ను సాధించడం గమనార్హం. ఓవ‌ర్‌సీస్‌లో తొలి రోజు.. రూ. 1.05 కోట్లు కలెక్ట్ చేసిది. మొత్తంగా తొలిరోజు వ‌ర‌ల్డ్‌వైడ్‌గా 5.60 కోట్ల గ్రాస్‌ను 3.05 కోట్ల షేర్‌ను ఈ సినిమా సాధించింది.
