ఇటీవలే థియేటర్స్ లో #ThankYou చెప్పేశారు నాగ  చైతన్య. విక్రమ్ కె కుమార్ దర్శకత్వంలో ఆయన నటించిన చిత్రమిది. రాశీఖన్నా హీరోయిన్. అవికాగోర్‌, మాళవిక నాయర్‌, సాయి సుశాంత్ రెడ్డి తదితరులు కీలక పాత్రల్లో కనిపించారు. ఈ చిత్రానికి థమన్ సంగీతం అందించగా… దిల్ రాజు నిర్మించారు. జులై 8న ప్రేక్షకుల ముందుకొచ్చిన ఈ సినిమా యావరేజ్ అనిపించుకుంది. ఇందులో చైతూ మూడు భిన్నమైన లుక్స్‌తో కనిపించారు.

కథ-కథనాల గురించి పక్కన పెడితే చైతూ నటన బాగుంది. మూడు కోణాల్లో చైతూ పాత్ర క‌నిపిస్తుంది. ఆ మూడు గెట‌ప్పుల్లోనూ త‌న‌దైన మార్క్ క‌నిపిస్తుంది. రాశీఖ‌న్నాతో క‌లిసి ప‌తాక స‌న్నివేశాల్లో అభిన‌యం ఇంకా బాగుంటుంది. మాళ‌విక నాయ‌ర్ పార్వతి పాత్రలో స‌హ‌జంగా ఒదిగిపోయింది. అవికాగోర్ పాత్రకి పెద్దగా ప్రాధాన్యం లేదు. పాటల్లో థమన్ మ్యాజిక్ కనిపించలేదు. కానీ బ్యాక్ గ్రౌండ్ మ్యూజిక్ లో ఆయన మార్క్ చూపించారు. సినిమాటోగ్రఫీ బాగుంది. నిర్మాణ విలువలు ఓకే. ఇప్పుడీ ఈ సినిమా ఓటీటీ రిలీజ్ డేట్ ఫిక్సయింది. ఆగస్టు 11 నుంచి అమెజాన్ ప్రైమ్ లో స్ట్రీమింగ్ కానుంది. ఈ మేరకు అధికారిక ప్రకటన విడుదలైంది.