సినిమాటోగ్రాఫర్ శివ డైరెక్టర్ గా మారి వరుసగా బ్లాక్ బస్టర్ హిట్స్ అందుకుంటున్న సంగతి తెలిసిందే. గోపీచంద్ ‘శౌర్యం’తో దర్శకుడిగా ఎంట్రీ ఇచ్చారు. ఆ తర్వాత ‘శంఖం’తో గోపీచంద్ కు మరో హిట్ ఇచ్చాడు. ఇక వీరమ్ తర్వాత కోలీవుడ్ స్టార్ అజిత్ తో మరో మూడు సినిమాలు వేదాళం, వివేగం, విశ్వాసం సినిమాలు చేశారు. అన్నీ బ్లాక్ బస్టర్ హిట్సే. ఆ తర్వాత సూపర్ స్టార్ రజనీకాంతో అన్నాత్తె చేశారు. ఇప్పుడు సూర్య హీరోగా ఓ సినిమా చేయబోతున్నారు.

Suriya42 గా తెరకెక్కనున్న ఈ సినిమా అప్ డేట్ వచ్చింది. ఈ నెల 21న పూజా కార్యక్రమాలు జరగనున్నాయి. ఈ చిత్రాన్ని యూవీ క్రియేషన్స్ తో కలిసి గ్రీన్ స్టూడియోస్ నిర్మించనుంది. తెలుగు, తమిళ భాషల్లో ఈ చిత్రాన్ని తీసుకురానున్నట్టు తెలుస్తోంది. అంతేకాదు.. ఈ సినిమాలో టాలీవుడ్ యాక్షన్ హీరో గోపీచంద్ ఓ కీలక పాత్రలో కనిపిస్తారనే టాక్ వినిపిస్తోంది. శివ-గోపీచంద్ మంచి స్నేహితులు. అందుకే ఓ పవర్ పాత్రలో గోపీని తీసుకున్నారని తెలిసింది. ఈ సినిమాలో సూర్యకి జంటగా పూజా హెగ్డే నటించనున్నారని తెలిసింది. అనిరుధ్ సంగీతం అందించనున్నారు.