కార్తికేయ 2 వందకోట్ల వైపు పరుగులు

చందూ మొండేటి దర్శకత్వంలో నిఖిల్ హీరోగా న‌టించిన కార్తికేయ‌- 2 బాక్సాఫీస్ దగ్గర అదగొడుతోంది. టాలీవుడ్, బాలీవుడ్ అనే తేడా లేదు. దేశవ్యాప్తంగా దుమ్మురేపుతోంది. ఓవర్సీస్ లోనూ అద్భుతమైన కలెక్షన్స్ రాబడుతోంది.

మవారంతో యూఎస్ కలెక్షన్స్ వన్ మిలియన్ మార్క్ క్రాస్ అయ్యాయి. 
తొమ్మిది రోజుల్లోనే వ‌ర‌ల్డ్‌వైడ్‌గా 75. 33 కోట్ల గ్రాస్ క‌లెక్ష‌న్స్ రాబ‌ట్టింది. వంద కోట్ల దిశ‌గా దూసుకుపోతున్న‌ది. హిందీలో తొమ్మిది రోజుల్లో 15.32 కోట్ల క‌లెక్ష‌న్స్ రాబ‌ట్టింది. ఆదివారం రోజు బాలీవుడ్ వెర్ష‌న్ 4.07 కోట్ల క‌లెక్ష‌న్స్ సాధించి రికార్డ్ క్రియేట్ చేసింది.

బాలీవుడ్ లో ఈ సినిమాకు తొలిరోజు రూ.7 ల‌క్ష‌ల క‌లెక్ష‌న్స్ మాత్ర‌మే వ‌చ్చాయి. ఆ తర్వాత అనూహ్యంగా పుంజుకొని. రోజుకో కోటి చొప్పున తెచ్చిపెట్టింది. ఇప్పుడు రోజుకో నాలుగు కోట్లకు పైగా కలెక్ట్ చేస్తోంది. ఈ నేపథ్యంలో మరో మూడ్నాలుగు రోజుల్లోనే కార్తికేయ 2 కలెక్షన్స్ రూ. 100 కోట్లు క్రాస్ చేసేలా ఉన్నాయి.  కృష్ణతత్వానికి అడ్వెంచరస్ అంశాలను జోడించి దర్శకుడు చందూ మొండేటి కార్తికేయ 2 సినిమాను తెరకెక్కించారు. ఈ సినిమాలో నిఖిల్ కు జోడీగా అనుపమ పరమేశ్వరన్ హీరోయిన్ గా నటించింది.