యశోద టీజర్ ఎప్పుడంటే ?
సమంత ప్రధాన పాత్రలో హరి, హరీష్‌ డైరెక్ట్‌ చేస్తున్న థ్రిల్లర్‌ మూవీ యశోధ. ఈ సినిమా తెలుగుతోపాటు తమిళం, హిందీ, మలయాళం, కన్నడలో పాన్‌ ఇండియా సినిమాగా రిలీజ్ కాబోతోంది. వినాయక చవితి కానుకగా ఈ సినిమా టీజర్ రిలీజ్ డేట్ ప్రకటించారు మేకర్స్. సెప్టెంబర్‌ 9న యశోధ టీజర్ రిలీజ్ చేస్తామని తెలిపారు. ఎవరూ అణచివేయలేని సంకల్పం అనే క్యాప్షన్‌తో యశోద టీజర్ రిలీజ్ డేట్ గురించి సమంత ప్రకటించింది. ఈ సందర్భంగా ఓ కొత్త పోస్టర్‌ను కూడా షేర్ చేసింది.
నిజానికి ఈ మూవీ ఎప్పుడో ప్రేక్షకుల ముందుకు రావాల్సి ఉన్నా.. వాయిదా పడుతూ వస్తోంది. ఆగస్ట్‌ 12 రిలీజ్ చేద్దామని అనుకున్నా.. వాయిదా వేస్తున్నట్లు చెప్పారు తప్ప మళ్లీ ఎప్పుడు రిలీజ్ చేయాలనుకుంటున్న విషయం వెల్లడించలేదు. యశోదతోపాటు గుణశేఖర్‌ శాకుంతలం కూడా షూటింగ్ పూర్తి చేసుకొని రిలీజ్ కి రెడీ గా ఉంది.
