జెలెన్‌స్కీ ‘వన్‌ వర్డ్‌’ ట్వీట్.. వైరల్ !
ప్రస్తుతం ట్విటర్‌లో వన్‌ వర్డ్‌ ట్రెండ్‌ నడుస్తోంది. అంటే.. ఎవరైనా నెటిజన్‌ కేవలం ఒకే ఒక్క పదాన్ని ట్వీట్ చేయాలన్నమాట. ఇందులో భాగంగానే ఉక్రెయిన్‌ అధ్యక్షుడు జెలెన్‌స్కీ ‘స్వేచ్ఛ (Freedom)’ అని ట్వీట్ చేశారు. ఉక్రెయిన్‌ ప్రజలు పోరాడుతోంది దీనికోసమే అనే అర్థంలో కోట్లాది మంది ఉద్వేగాన్ని ఒక్క పదంలో చెప్పిన ఈ పోస్ట్‌ ఇప్పుడు వైరల్ అవుతోంది.
సామాన్యుల నుంచి ప్రముఖుల వరకు ఈ ట్రెండ్‌లో పాల్గొని తమకు నచ్చిన పదాన్ని ట్వీట్ చేస్తున్నారు. భారత క్రికెట్‌ దిగ్గజం సచిన్‌ తెందూల్కర్‌ ‘Cricket’ అని, అమెరికా అధ్యక్షుడు జో బైడెన్‌ ‘Democracy)’ అని పోస్టులు చేశారు. అమెరికాలోని రైలు సేవల సంస్థ ‘Amtrak’ సోషల్‌ మీడియా టీం.. తమ ట్విటర్‌ హ్యాండిల్‌లో గురువారం ‘Trains’ అని ఒక పదాన్ని పోస్ట్‌ చేసింది. అక్కడి నుంచే ఈ వన్‌ వర్డ్‌ ట్రెండ్‌ షురూ అయ్యింది.
