అమెజాన్ ప్రైమ్ లో ‘సీతారామం’ స్ట్రీమింగ్ ఎప్పటి నుంచంటే ?

హను రాఘవపూడి దర్శకత్వంలో దుల్కర్ సల్మాన్, మృణాల్ ఠాకూర్, రష్మిక మందన కీలక పాత్రల్లో నటించిన చిత్రం ‘సీతారామం’. ఈ ప్రేమకథా చిత్రం ఆగస్టు 5న ప్రేక్షకుల ముందుకు వచ్చింది. ప్రేక్షకులను ఫిదా చేసింది. బ్లాక్ బస్టర్ గా నిలిచింది. దర్శకుడు కథను ప్రజెంట్ చేసిన విధానం, రామ్ పాత్రలో దుల్కర్, సీత పాత్రలో మృణాల్ నటన సినిమాకే హైలైట్ నిలిచాయి. సినిమాటోగ్రఫీ, పాటలు, మాటలు.. ఇలా ప్రతిదీ.. ఆకట్టుకుంది.

ఇప్పుడీ.. ఈ సినిమా ఓటీటీలో సందడి చేయబోతుంది. ఈ నెల 9 నుంచి అమెజాన్ ప్రైమ్ లో స్ట్రీమింగ్ కాబోతుంది. అయితే రిలీజ్ డేట్ ను ప్రైమ్ వాళ్లు ఇంకా అధికారికంగా ప్రకటించాల్సి ఉంది. ఇటీవల కాలంలో మంచి ప్రేమకథలు రాలేదు. ఆ లోటును సీతారామం తీర్చింది. మహానటి తర్వాత దుల్కర్ సల్మాన్ ఖాతాలో మరో తెలుగు సినిమా హిట్ పడినట్టయింది. ఇక మృణాల్ ఠాకూర్ రూపంలో మరో మంచి నటిని ఇండస్ట్రీకి పరిచయం చేసిందని చెప్పవచ్చు. థియేటర్స్ లో అదరగొట్టిన సీతారామం ఓటీటీ ప్రేక్షకులకు అలరించడం ఖాయం.