తండ్రి లుక్ లో మహేష్

త్రివిక్రమ్ – మహేష్ బాబు హ్యాట్రిక్ చిత్రం #SSMB28 షూటింగ్ సోమవారం షురూ అయింది. షూటింగ్ మొదటి రోజునే మహేష్ ఫోటో ఒకటి షేర్ చేసి.. అభిమానుల కడుపునింపింది చిత్ర యూనిట్. ఇందులో మహేష్ చాలా యంగ్ గా కనిపిస్తున్నారు. అంతకు ముందు వదిలిన మరో పిక్ లో సీనియర్ సూపర్ స్టార్ కృష్ణ ను గుర్తు చేస్తున్నారు. చెక్ షర్ట్ లో అచ్చం తండ్రి లుక్ లో ఒదిగిపోయారు. ఇప్పుడీ.. ఈ రెండు ఫోటోలు సోషల్ మీడియాలో వైరల్ గా మారాయి. 

ఇక ఈ సినిమాలో మహేష్ బాబు క్యారెక్టరైజేషన్ కొత్తగా ఉంటుందని వార్తలు వినిపిస్తున్నాయి. ఈ సినిమాలో మహేష్ బాబుకు జోడీగా పూజాహెగ్డే హీరోయిన్ గా నటిస్తోంది. మహర్షి తర్వాత మహేష్ బాబు, పూజాహెగ్డే మరోసారి ఈ సినిమాలో జంటగా కనిపించబోతున్నారు. అలాగే అరవింద సమేత వీర రాఘవ, అల వైకుంఠపురములో తర్వాత త్రివిక్రమ్, పూజా హెగ్డే కాంబినేషన్ లో వస్తున్న మూడో సినిమా ఇది. 2023 ఏప్రిల్ 28న ఈ సినిమా రిలీజ్ కానుంది. ఈ చిత్రానికి తమన్ సంగీతాన్ని అందిస్తున్నారు. సితార ఎంటర్ టైన్ మెంట్స్ పతాకంపై సూర్యదేవర నాగవంశీ నిర్మిస్తున్నారు.