రస్మిక.. బాగా పెంచేసింది !

సౌత్ తో పోలిస్తే బాలీవుడ్ లో హీరోయిన్ల పారితోషికాలు చాలా ఎక్కువ‌. దీంతో బాలీవుడ్ పై బాగా ఫోకస్ పెట్టింది రష్మిక మందన. ప్ర‌స్తుతం చేస్తున్న రెండు సినిమాల‌కు తోడు.. బాలీవుడ్ లో ఈ హీరోయిన్ కు మ‌రో అవ‌కాశం ల‌భించింద‌ని తెలుస్తోంది. ఈ సారి టైగ‌ర్ ష్రాఫ్ తో ర‌ష్మిక జ‌త క‌డుతోంద‌ట‌. హాలీవుడ్ రాంబో ను టైగ‌ర్ ష్రాఫ్ తో రీమేక్ చేయ‌నున్నార‌ట‌. ఇందులో ర‌ష్మిక‌కు హీరోయిన్ అవ‌కాశం ల‌భించింద‌ని స‌మాచారం.  అలాగే ర‌ణ్ బీర్ క‌పూర్ అనిమ‌ల్ కూడా ర‌ష్మిక చేతిలో ఉంది.

ఇలా వ‌ర‌స పెట్టి బాలీవుడ్ అవ‌కాశాలు ర‌ష్మిక రెమ్యూనిరేష‌న్ ను అమాంతం పెంచేసిందని టాక్. బాలీవుడ్ స్టార్ హీరోల సినిమాల్లో న‌టించే హీరోయిన్లు ప‌ది నుంచి ప‌న్నెండు కోట్ల రూపాయ‌ల రెమ్యూనిరేష‌న్ ను సునాయాసంగా అందుకుంటూ ఉంటారు. ఇప్పుడు రష్మిక ప‌ది ప‌న్నెండు కోట్ల రూపాయ‌ల స్థాయి క్ల‌బ్ లో జాయిన్ అయినట్టు తెలుస్తుంది. ఎక్కడికెళ్లిన తన క్యూట్ క్యూట్ ఎక్స్ ప్రెషన్స్ తో అందరిని ఇట్టే బుట్టలో పడేసుకోవడం రష్మిక కు బాగా అలవాటు. బిగ్ బీ అమితాబ్ సైతం రష్మిక నటనకు ఫిదా అయ్యారంటే.. ఈ ముద్దుగుమ్మ టాలెంట్ ఏంటో అర్థం చేసుకోవచ్చు.