కేసీఆర్ ఫామ్‌హౌస్‌లో క్షుద్రపూజలు.. నల్లపిల్లితో !
టీఆర్ఎస్ పార్టీని బీఆర్ఎస్ గా మార్చడం వెనుక పెద్ద కుట్ర ఉందని ఒక స్వామి చెప్పినట్టు చెప్పారని, కేసీఆర్ ఫామ్‌ హౌస్‌లో కుటుంబ సమేతంగా క్షుద్ర పూజలు చేసి ద్రవాలను తీసుకెళ్లి కాళేశ్వరంలో కలిపారని, 3 నెలలకోసారి నల్లపిల్లితో కేసీఆర్ పూజలు చేస్తారని తెలంగాణ బీజేపీ చీఫ్ బండి సంజయ్ ఆరోపించారు.
మలక్‌పేట నియోజకవర్గానికి చెందిన టీఆర్ఎస్ నేత లింగాల హరిగౌడ్‌ తన అనుచరులతో కలిసి శనివారం బీజేపీలో చేరారు. వీరికి బండి సంజయ్‌పార్టీ కండువా కప్పి సాదరంగా ఆహ్వానించారు. ఈ సందర్భంగా బండి మాట్లాడుతూ.. కేసీఆర్ ఫామ్‌ హౌస్‌లో కుటుంబ సమేతంగా క్షుద్ర పూజలు చేస్తున్నారని ఆరోపించారు. లిక్కర్‌ స్కాంలో తన కుటుంబ సభ్యులకు సంబంధం లేదని సీఎం ఎందుకు చెప్పలేకపోతున్నారని నిలదీశారు. ఇక మునుగోడులో రాజగోపాల్‌రెడ్డి భారీ మెజార్టీతో విజయం సాధిస్తారని బండి సంజయ్ ధీమా వ్యక్తం చేశారు.
