టీ20 ప్రపంచకప్‌ నుంచి దీపక్ చాహర్‌ ఔట్‌.
టీ20 ప్రపంచకప్‌ నుంచి ఇప్పటికే రవీంద్ర జడేజా, బుమ్రా దూరం కాగా.. తాజాగా ఆల్‌రౌండర్‌ దీపక్ చాహర్‌ కూడా గాయం కారణంగా జట్టు నుంచి వైదొలిగినట్లు తెలుస్తోంది. . ‘‘చాహర్‌ ఫిట్‌నెస్‌ సాధించడానికి సమయం పట్టేలా ఉంది. వెన్ను నొప్పి మళ్లీ తిరగబెట్టినట్లుంది. అందుకే, బీసీసీఐ ముగ్గురు ఆటగాళ్లను ఆస్ట్రేలియాకు పంపించనుంది. షమీ, మహమ్మద్ సిరాజ్‌, శార్దూల్‌ ఠాకూర్‌ వెళ్తారు’’ అని బీసీసీఐ వర్గాలు తెలిపాయి.
బుమ్రా, దీపక్ చాహర్‌ స్థానాల్లో మహమ్మద్ షమీతోపాటు సిరాజ్‌ టీమ్‌ఇండియాతో కలిసే అవకాశాలున్నాయి. వారిద్దరే కాకుండా శార్దూల్‌ ఠాకూర్‌ను కూడా ఆస్ట్రేలియాకు పంపొచ్చు. అక్టోబర్ 23న పాకిస్థాన్‌తో భారత్‌ తొలి మ్యాచ్‌లో తలపడనుంది.
