రణ్ వీర్ తో విడాకులపై క్లారిటీ ఇచ్చిన దీపికా

బాలీవుడ్ అంటేనే గాసిప్పులకు అడ్డా. బాలీవుడ్‌ స్టార్ జోడీ రణ్‌వీర్‌ సింగ్‌ – దీపికా పదుకొణె విడిపోతున్నారంటూ బాలీవుడ్ మీడియా కోడై కూస్తోంది. వ్యక్తిగత జీవితంలో మనస్పర్థలు తలెత్తడంతో.. వీరిద్దరూ విడిపోవాలనినిర్ణయించుకున్నారంటూ వార్తలు వినిపించాయి.

ఈ నేపథ్యంలో ఓ టాక్‌ షోలో పాల్గొన్న దీపిక.. ఈ వార్తలపై స్పందించారు. ‘‘రణ్‌వీర్‌తో నా బంధం అన్యోన్యంగా సాగుతోంది. మ్యూజిక్‌ ఫెస్టివల్స్‌, కొన్ని కార్యక్రమాల్లో పాల్గొనడం కోసం గత వారం ఆయన వేరే ప్రాంతాలకు వెళ్లాడు. పనులన్ని ముగించుకుని ఇప్పుడే ఇంటికి వచ్చాడు. నన్ను చూడగానే ఎంతో సంతోషించాడు’’ అని తెలిపారు. దీపిక స్పందనతో విడాకుల వార్తలకు ఫుల్‌స్టాప్‌ పడినట్లు అయ్యింది.