‘ఖైదీ2’ ఎలా ఉండబోతుందంటే ?
కోలీవుడ్ హీరో కార్తీ వరుస సినిమాలతో బిజీగా ఉన్నారు. ఇటీవలే ‘పొన్నియిన్‌ సెల్వన్‌’తో ప్రేక్షకుల్ని పలకరించిన ఆయన.. ఇప్పుడు ‘సర్దార్‌’గా అలరించేందుకు సిద్ధమయ్యారు. ‘అభిమన్యుడు’ ఫేమ్‌ పి.ఎస్‌.మిత్రన్‌ తెరకెక్కించిన చిత్రమిది. తెలుగులో అన్నపూర్ణ స్టూడియోస్‌ సంస్థ విడుదల చేస్తోంది. ఇది శుక్రవారం ప్రేక్షకుల ముందుకొస్తున్న నేపథ్యంలో విలేకర్లతో ముచ్చటించారు కార్తి. ఈ సందర్భంగా ‘ఖైదీ2’ ఎలా ఉండబోతుంది? అనే ప్రశ్న ఎదురైంది.
“నేను దిల్లీకి వెళ్లినా నా ఢిల్లీ పాత్ర గురించే అడుగుతున్నారు (నవ్వుతూ). ‘విక్రమ్‌’ తర్వాత ‘ఖైదీ2’పై మరిన్ని అంచనాలు పెరిగాయి. ఈ చిత్రం కచ్చితంగా వచ్చే ఏడాది సెట్స్‌పైకి వెళ్తుంది. దీని గురించి ఇంతకు మించి ఏం చెప్పలేను. కొన్ని కథలు చర్చల దశలో ఉన్నాయి. వాటి వివరాలు త్వరలో వెల్లడిస్తా” అన్నారు.
