సరోగసీ గ్యాంగ్ తో సమంత పోరాటం !
స్టార్ హీరోయిన్ సమంత తల్లయింది. సరోగసి పద్ధతిలో గర్భం దాల్చింది. ఐతే సరోగసి గ్యాంగ్ వ్యక్తులు చేసే అన్యాయాలపై ఆమె పోరాటం షురూ చేసింది. సామ్ ప్రధాన పాత్రలో తెరకెక్కిన చిత్రం యశోధ. హరి – హరీష్‌ సంయుక్తంగా దర్శకత్వం వహించిన ఈ సినిమా నవంబరు 11న ప్రేక్షకుల ముందుకురానుంది.
ఈ సందర్భంగా గురువారం ట్రైలర్‌ను విడుదల చేశారు. ‘నీకు ఎప్పుడైనా రెండు గుండె చప్పుళ్లు వినిపించాయా’ అని సమంత అడిగే సంభాషణతో ప్రారంభమైన ట్రైలర్‌ ఆద్యంతం ఆసక్తిగా సాగింది. సరోగసీ (అద్దె గర్భం) నేపథ్యంలో ఈ చిత్రాన్ని తెరకెక్కించినట్టు ట్రైలర్‌ చూస్తే స్పష్టమవుతోంది. సరోగసీ పేరుతో కొందరు వ్యక్తులు అన్యాయాలకు పాల్పడటం.. విషయం తెలుసుకున్న సమంత వారిపై పోరాడటం ఈ ట్రైలర్‌లో కనిపిస్తోంది.
