కొరటాల శివ – ఎన్టీఆర్ కాంబోలో రాబోతున్న సినిమా  (#NTR30) హీరోయిన్ ఫిక్సయింది. బాలీవుడ్ యంగ్ బ్యూటీ జాన్వీ కపూర్ తారక్ తో రొమాన్స్ చేయనుంది. అయితే ఈ విషయంపై అధికారిక ప్రకటన రావాల్సి ఉంది. తొలుత ఈ సినిమాలో ఆర్ఆర్ఆర్ హీరోయిన్ ఆలియా భట్‌ను తీసుకోవాలని చిత్రబృందం భావించిందట. అయితే ఏమైందో ఏమో తెలియదు కానీ.. ఆమె ఆ ప్రాజెక్టును పక్కకు తప్పుకున్నట్లు వార్తలు వచ్చాయి.

ఆ తర్వాత మృణాల్ పేరు కూడా వినిపించింది. చివరకు జాన్వీ కపూర్‌ను తీసుకుంటున్నట్లు తెలుస్తోంది. మరి ఈ విషయంపై స్పష్టత రావాలంటే చిత్రబృందం నుంచి అధికారిక ప్రకటన వచ్చేవరకు వేచి ఉండాల్సిందే. ఇప్పటికే ఎన్టీఆర్ కూడా ఈ సినిమా కోసం కసరత్తులు ప్రారంభించారు. జనతా గ్యారేజ్ లాంటి సూపర్ హిట్ ఇచ్చిన వీరి కాంబినేషన్‌ కోసం తారక్ అభిమానులు ఆత్రుతగా ఎదురుచూస్తున్నారు.