టాప్ గేర్ లో.. సెమీస్ లోకి టీమిండియా !
టీ20 ప్రపంచ కప్ సూపర్‌-12 ఆఖరి మ్యాచ్‌లో టీమ్‌ఇండియా అదరగొట్టింది. జింబాబ్వేను చిత్తుగా ఓడించి.. గ్రూప్-2లో 8 పాయింట్లతో అగ్రస్థానంలోకి దూసుకెళ్లింది. ఇంగ్లాండ్‌తో సెమీస్ పోరుకు సిద్ధమైంది.
టాస్ గెలిచి మొదటి బ్యాటింగ్‌ చేసిన టీమ్‌ఇండియా నిర్ణీత 20 ఓవర్లలో 5 వికెట్ల నష్టానికి 186 పరుగులు చేసింది. భారత బ్యాటర్లలో సూర్యకుమార్‌ యాదవ్‌ (61; 25 బంతుల్లో), కేఎల్ రాహుల్‌ (51; 35 బంతుల్లో) అర్ధ శతకాలతో రాణించారు. అనంతరం జింబాబ్వే 115 పరుగులకే కుప్పకూలింది. దీంతో రోహిత్‌ సేన 71 పరుగుల తేడాతో ఘన విజయం సాధించింది. జింబాబ్వే బ్యాటర్లలో రియాన్‌ బర్ల్‌ (35), సికిందర్‌ రజా (34) మాత్రమే పోరాడారు.
