పూజా హెగ్డే వల్లే మహేష్ సినిమా ఆలస్యం !?

త్రివిక్రమ్‌ దర్శకత్వంలో మహేష్ నటిస్తున్న సినిమా ఇప్పటికే స్టార్ట్ అయిన సంగతి తెలిసిందే.  తొలి షెడ్యూల్‌ కూడా పూర్తయింది. మహేష్‌పై కొన్ని యాక్షన్ సీన్స్ తెరకెక్కించారు. అయితే రెండో షెడ్యూల్‌ షురూ కావడంలోనే జాప్యం చోటు చేసుకొంటోంది. దీనికి కారణం హీరోయిన్ పూజా హెగ్డే అని తెలుస్తోంది. ఇటీవల ఆమె కాలికి గాయం కావడంతో చికిత్స తీసుకొంటున్నారు. ఆమె కోసమే త్రివిక్రమ్ వెయిట్ చేస్తున్నట్టు సమాచారం.

వచ్చే నెల నుంచి సెకండ్ షెడ్యూల్ ప్రారంభం కానుందని తెలిసింది. మరి రెండో షెడ్యూల్‌లో  పూజా పాల్గొంటుందా ? లేక ఈసారికూడా మహేష్‌పైనే సన్నివేశాల్ని తెరకెక్కిస్తారా అనేది చూడాలి. ‘అతడు’, ‘ఖలేజా’ తర్వాత  మహేష్‌బాబు – త్రివిక్రమ్కలయికలో రూపొందుతున్న చిత్రమిది. ఎస్‌.రాధాకృష్ణ నిర్మిస్తున్నారు.