బ్రహ్మాస్త్ర విలన్ గా విజయ్.. ఓకే చెప్పాడా ?
రౌడీ హీరో విజయ్ దేవరకొండ బాలీవుడ్ ను ఏలేద్దాం అని ఆశపడ్డాడు. కానీ ‘లైగర్’ ప్లాపుతో అతడి ఆశలు అడియాశలు అయ్యాయి. అయితే ఇప్పుడు బాలీవుడ్ నుంచి రౌడీకి క్రేజీ ఆఫర్ వచ్చినట్టు సమాచారం.
బాలీవుడ్ నుంచి విడుదలైన ప్రతిష్ఠాత్మక ప్రాజెక్ట్ ‘బ్రహ్మాస్త్ర’. రణ్‌బీర్ కపూర్‌, అలియా భట్‌ నటీనటులు. అయాన్‌ ముఖర్జీ దర్శకత్వం వహించిన ఈ సినిమా మూడు భాగాలుగా ప్రేక్షకుల ముందుకు రానుంది. ఇప్పటికే మొదటి భాగం విడుదలై మంచి టాక్‌ అందుకుంది.
ఈ నేపథ్యంలో ‘బ్రహ్మాస్త్ర – 2’పై చిత్రబృందం దృష్టి పెట్టింది. శివ (రణ్‌బీర్‌కపూర్‌) గతాన్ని, అతడి తల్లిదండ్రుల గురించి, సినిమాలోని మెయిన్‌ విలన్ (దేవ్‌)ని ఇందులో చూపించనున్నట్లు సమాచారం. ఈ పాత్ర కోసం విజయ్ దేవరకొండను సంప్రదించినట్లు సమాచారం. సినిమాలో మెయిన్‌ విలన్‌గానే కాకుండా రణ్‌బీర్ తండ్రి పాత్రలో దీపికకు జోడీగా విజయ్ దేవరకొండ కనిపించే అవకాశం ఉందని ఆంగ్ల పత్రికల్లో వార్తలు వస్తున్నాయి.
