ఐదేళ్లయినా పోలవరం ప్రాజెక్టు పూర్తి కాదు

మరో ఐదేళ్లయిన ఆంధ్రప్రదేశ్‌లో పోలవరం ప్రాజెక్టు పనులు పూర్తి చేయలేరని తెలంగాణ మంత్రి హరీశ్‌రావు అన్నారు. కాళేశ్వరం కంటే ముందే పోలవరం ప్రారంభించినా ఇప్పటి వరకు పూర్తి చేయలేకపోయారన్నారు. ఆదివారం  సిద్దిపేట జిల్లా చిన్న కోడూరు వ్యవసాయ మార్కెట్‌ కమిటీ నూతన పాలకవర్గం ప్రమాణ స్వీకారోత్సవంలో మంత్రి హరీష్ పాల్గొన్నారు. 

ఈ సందర్భంగా మంత్రి హరీశ్‌రావు మాట్లాడుతూ.. పోలవరం పనుల పురోగతిపై అక్కడి ఇంజినీర్లతో మాట్లాడా. మరో ఐదేళ్లలో పూర్తయితే గొప్పేనని చెప్పారు. కాళేశ్వరం కంటే ముందే పోలవరం పనులు ప్రారంభించారు. కాళేశ్వరం ప్రాజెక్టు పూర్తయి ఆ ఫలితాలు తెలంగాణ ప్రజలకు అందుతున్నాయి. కానీ,  కేంద్రం చేపట్టిన జాతీయ ప్రాజెక్టు పోలవరం మాత్రం పూర్తి కాలేదు’ అన్నారు. ఇక  ప్రత్యర్థుల తిట్లను కిలోల లెక్కన బేరీజు వేస్తూ అవే తన బలమని మోడీ అన్నారన్న హరీశ్ రావు… మరి భాజపా నేతల టన్నుల కొద్దీ తిట్లు కేసీఆర్ ని ఎంత బలవంతుడిని చేసి ఉంటాయని చమత్కరించారు.